مرحبا حبايبي كيفكم
اليوم جبتلكم موضوع خاص بمدينتي
فانا سورية من محافظة حماه
وجبتلكم كلمات من لهجة الحمويي
لغانم = شخص غير معروف
الجارور= الدرج
ارواح = هيا بنا
النربيج= خرطوم الماء
ابوع = بوري بوظة
الشاروخ = شحاط بإصبع واحد للرجال هاد بس
الدنيا سليماني =(برد قارص)
أتورة =(برهة من الزمن)
الأدب =بيت الخلاء
ألفطو منيح =(أي نظفه جيدا)
التبسة = المنفضة للسجائر
الشايع =مذمة لشخص
أكوس =صيغة تفضيل بمعنى أحسن ....
آوونه =شمامه
أول عمنول =(أي في قديم الزمان)
أخوت= رجل شديد الغباء
بلوعه = ولها معنيين الأول مصرف الماء والثاني تقال
لكثير الكلام
بصيامات امك = حلفان
باطرش = اكلة من الباذنجان واللحمة والبندورة
بالزور =(أي رغما عنه)
باجوق =(فم)
بحفض= (أي بالناقص)
بركدن =(تقال عند وضع الاحتمالات)
بربيج =(أنبوب مياه)
تسومم= (وتقال عند تناول الطعام بقهر)
تلقح = تسطح
تليان (ممتلىء)
جئات= امعاء الخاروق المحشية بالأرز و من اطيب الأكلات
جبسية = بطيخة
جاطي =(وعاء كبير)
جنأ =(صحن صغير)
حيشاكن =(أي بعيد من قبالي)
خمير =(شاي ثقيل)
خروق= (شخص طرطور)
دشرا =(اتركها)
يلبس عالديرج=يلبس عالموضه
زلمة= رجل شجاع وقوي
سودة عليك = تضرب براسك
سيلك = طريق ممهد
سعرو فليفلة =(أي باهظ الثمن)
سطامي =(شخص غبي)
سخاتير =(وهي أكلة عريقة)
سداجه = سجاده
سئاء= حي أو حارة
سنفور= مكرو
شختور= صحن كبير
شرابة = سكرة
شلافيط =(حار جدا)
شي انو= (أي جزء صغير)
شبك= ماذا بك
شنتيانة = سلاح تقليدي في القتال
شاروخ= (حذاء او نعل)
صعي= (أي حقا)
طسو= (أي أنظر اليه)
طواية = مقلاية
طرطيرة=سيارة بثلاث عجلات اختراع حموي
عالحارك (أي بسرعة)
عفسه= ضربه بالسيارة وقضى عليه
عالحيرك= بسرعة
عملولنا جاية = عملولنا زيارة
فز =(قم)
كزدورة=مشوار
كماجة = رغيف خبز
لاء ولو (و تقال عند التعجب)
لا تئس (لا تخاف)
لطيلو= (أي انتظره)
معلي =(لا بأس)
مي هون= (أي ليست هنا)
مشفتر= (أي متكبر)
مبروك =(أي مجنون)
مغطانيس (أي مغناطيس)
منضمينة = نوع من انواع الحلوة
معصمص=(هزيل البنية)
مألف =(مسرع جدا)
مكسليت = دراجة هوائية
منصمينا= (نوع من انواع الحلوة)
منجنيق = مرجوحة
موس= سلاح أبيض يكاد لايستخدم إلا في المعارك الأهلية
ميت السلامة= كناية عن حب الضيف
مخلوطا =عبارة عن عدس و خبز
مشي حيطو = مشي حالو
مووو= بمعنى ماا وهي بتضخيم شديد للواو متل واو
ندرج = نتمشى
واسكان أو اوزكان = أي حتى ولو
بينبأ = يوصل إلى الطرف الاخر
ينكس = يشك في المياه
يا سما = أداة نداء
ارجو يعجبكم الموضوع
منتدى أمينه كرم الرسمي © :: 
منذ /الأربعاء يونيو 04, 2014 1:21 pm
عاللهجة الرائعة هي واهلها 
العرض العادي
